Jæja loksins er komið að því að ég komi heim Það er búið að ganga á ýmsu hérna. Þurfti að nauðlenda vélinni sem ég var að fljúga aðfaranótt föstudags. Það varð semsagt bilun í hjólabúnaðinum á vélinni og hann datt bara niður upp úr þurru með miklum látum og við það gaus upp einhvers konar efnabrunalykt og við lýstum strax yfir neyðarástandi og vorum send á næsta flugvöll sem var í 30 mílna fjarlægð. Þar tóku á móti okkur slökkviliðsbílar og sjúkrabílar og lögreglubílar og ein lögregluþyrla. Það endaði allt vel og brunalyktin sem við fundum var hydraulic vökvi að brenna á púströrunum. Þannig að við enduðum með að vera föst á hóteli í sólarhring í Gainesville. Daginn eftir vorum við sótt á annarri flugvél frá skólanum. Ég ákvað að taka mér dags frí eftir allt þetta en reyndi svo að fara í flug í gærkvöldi en þegar ég var að keyra upp flugvélina þá missti vinstri vélin olíuþrýsting og ég þurfti að drepa á vélinni. Þannig að það varð nú ekki mikið úr því flugi. Svo í dag var skólanum lokað því næstum allar vélarnar voru bilaðar eða í skoðunum. T.d. voru bara 2 duchess vélar af 14 í flughæfu ástandi. Þar af leiðandi vantar mig því miður ennþá 50 tíma sem ég þarf að ná mér í á einhvern annan hátt. En núna er ég bara ánægð með að vera á leiðinni heim á fimmtudaginn. Á morgun ætlum við Íris að fara út að borða á Chilis í síðasta skipti. Það er alveg ótrúlegt hvað það er orðið kalt hérna, þegar við flugum upp til Tallahasse sem er norðan héðan um daginn þá var bara 2 gráðu hiti. Ég bara vissi ekki að það yrði svona kalt hérna á Flórída. Að maður tali nú ekki um það að sitja hreyfingarlaus í 5 tíma í 8 þúsund feta hæð í flugvélum sem eru miðstöðvarlausar. Og ég var náttúrulega ekkert að hugsa um að pakka hlýjum fötum þegar ég fór þannig að ég endaði með að kaupa bara hlýjan jakka svo ég yrði nú ekki úti hérna Svo sit ég líka með hlýtt teppi yfir fótunum. Þá er þetta þolanlegra.

Jæja þá hef ég þetta ekki lengra heldur segi ykkur bara frá restinni þegar ég kem heim á fimmtudaginn
Koss og knús kveðja Dana Björk

Jæja er búin að vera frekar dugleg að fljúga en það hefur samt gengið á ýmsu hjá skólanum. Núna á laugardagsnóttina voru 2 tímasafnarar að lenda einum twininum frá skólanum en gleymdu að setja hjólin niður og magalentu vélinni á vellinum. Þau sluppu bæði heil á húfi en vélin er mjög illa farin. Greyin að lenda í þessu. Svo er skólinn lokaður núna því það er svo hvasst búinn að vera vindur milli 20 og 40 hnútar núna í 2 daga og svona á þetta víst að vera næstu daga. Þetta er af því að það er fellibylur að nálgast og enn á eftir að koma í ljós hvort hann fari yfir Flórída. Ég ætla nú að vona að við sleppum því mig vantar svo að drífa þetta flug af svo ég nái að klára og koma heim um miðjan nóvember. Ég er líka farin að hlakka svo mikið til jólanna. Get ekki beðið eftir að komast heim og fara að undirbúa jólin með fjölskyldunni. Kveðja Dana Björk

Hæhæ ég er búin að vera að fljúga á fullu núna og vonast til að klára á næstu 3 vikum og koma heim og sækja um vinnu. Þegar ég var að fljúga í gær nótt sá ég stjörnuhrap bara rétt fyrir framan vélina ekkert smá fallegt. Það er nú svosem annars ekkert merkilegt að frétta. Það er þrumuveður hérna yfir öllu þannig að ég gat ekki farið að fljúga í kvöld, í staðinn fór ég í bíó bara til að gera eitthvað til tilbreytingar. Fer að fljúga á cessnu í fyrramálið og næ vonandi slatta af tímum þá. Kveðja Dana Björk

Hæhæ ég er búin að vera að fljúga á fullu núna og vonast til að klára á næstu 3 vikum og koma heim og sækja um vinnu. Þegar ég var að fljúga í gær nótt sá ég stjörnuhrap bara rétt fyrir framan vélina ekkert smá fallegt. Það er nú svosem annars ekkert merkilegt að frétta. Það er þrumuveður hérna yfir öllu þannig að ég gat ekki farið að fljúga í kvöld, í staðinn fór ég í bíó bara til að gera eitthvað til tilbreytingar. Fer að fljúga á cessnu í fyrramálið og næ vonandi slatta af tímum þá. Kveðja Dana Björk

Til hamingju með afmælið pabbi minn og hafðu það sem allra best. Þín Dana Björk

Hæ hæ. Ég skrapp í heimsókn til Rósar frænku og Agús á sunnudaginn og kom heim í dag. þau búa í um 3 klst fjarlægð. Það var alveg ótrúlega gaman og endurnærandi að komast aðeins í burtu og lifa smá fjölskyldulífi.
Við gerðum ýmislegt skemmtilegt saman til dæmis fórum út að borða og í bíó og keyptum hvolp fyrir vinkonu hennar Rósar. Hann var ekkert smá sætur og skemmtilegur og mig langaði mest að taka hann heim með mér en ég er ekki alveg viss um hversu hrifin Táta hefði verið. Hún er svo mikil prinsessa og hefur örugglega engan áhuga á að deila sviðsljósinu með öðrum hundi

Hjá Rós var auðvitað fjölbreytt dýralíf eins og alltaf en hún bjargar veikum og heimilislausum dýrum og hjúkrar þeim heima hjá sér og finnur þeim síðan góð heimili. Ég er viss um að hún á góðan stað vísan á himnum fyrir alla þá vinnu og peninga sem hún leggur í að hjálpa greyið dýrunum Ég taldi 7 hunda, 2 ketti, fiska og talandi páfagauk hjá henni núna og það er nú samt frekar rólegt miðað við venjulega hjá henni. Reyndar var hún beðin um að taka veikan bobcat (sem er einhver tegund af villiketti, aðeins minni en fjallaljón var mér sagt) að sér og hjúkra honum á meðan ég var þarna. Ég verð nú að viðurkenna að ég var hálffegin að það varð ekkert úr því. Veit ekki alveg hvernig ég hefði sofið vitandi af þeirri veru í næsta herbergi Samt hefði það nú verið sniðug saga að segja frá. En það kom mér annars á óvart hversu fjölbreytt dýralífið hérna á Flórída er. Hélt að það væru aðallega krókódílar hérna því þetta er nánast allt fenjaland en það er nú aldeilis ekki svo. Bara á leiðinni til Rósar sá ég skilti sem vöruðu við pantherum (pardusdýr held ég á íslensku) og svo annað skilti sem sagði að á þeim slóðum væru skógarbirnir. Svo keyrði ég fram á 4 hrægamma sem voru að gæða sér á dauðu dýri á veginum. Þeir kipptu sér ekkert upp við að ég keyrði upp að þeim og tók nokkrar myndir. Vöppuðu bara um og fengu sér í svanginn.

Á meðan ég var hjá Rós fórum við í heimsókn til Smára sonar hennar og Alísu konunnar hans sem búa í sama bæ. Þar hitti ég dóttur þeirra í fyrsta skipti hún heitir Sophia Isabella og er 4 mánaða gömul og algjört krútt. Nýja húsið þeirra er mjög bjart og fallegt og virtust þau bara voða ánægð með lífið og tilveruna.

Jæja svo keyrði ég heim í dag hálfleið að þurfa að fara strax og keyrði beint upp í skóla til að koma lag á peningamálin þar sem að tókst þannig að ég get byrjað að fljúga aftur á morgun, þarf aldeilis að vera dugleg núna!!!! Er annars búin að framlengja um viku og vona að ég sleppi með það og þurfi ekki að vera lengur.
Þegar ég svo kom loksins heim í íbúð beið mín bréf og pakki með ýmsu góðgæti og glaðningi frá mömmu. Vá hvað það var gaman að fá hann sérstaklega sérstalega bréfið, fólk er alveg hætt að skrifa bréf, það er bara tölvupóstur núna sem er ekki næstum því jafn skemmtilegur. Þannig að núna ligg ég bara uppi í rúmi og skrifa þetta og hugsa um ykkur öll og gæði mér á smá íslensku nammi frá mömmu með bros á vör

Kristín María hringdi í mig um daginn og sagði mér aldeilis frábærar fréttir. Hún er komin með vinnu á Airbus hjá Atlanta og byrjar í þjálfun núna í október og mig langar bara að óska henni enn og aftur innilega til hamingju með þetta
En nú held ég að ég sé búin að ausa úr mér öllum þeim fréttum sem mér dettur í hug í bili en skrifa meira bráðum þegar ég er búin að fljúga svolítið og hef fleiri fréttir. Bið að heilsa ykkur öllum koss og knús ykkar Dana Björk

Flaug síðast í fyrradag í alveg brjáluðu roki en það gekk nú samt fínt svo var ennþá verra veður í gær þannig að skólinn groundaði allar vélarnar og ég skellti mér bara í bíó til að nota frídaginnl Fannst svolítið fyndið þegar ég var að labba inn í bíóið rak ég augun í skilti sem var fest í glugga í andyrinu þar var sýnt að bannað var að koma inn með hunda og mat eins og eðlilegt er en þar við hliðina á var skilti sem sagði að bannað væri að fara inn með byssur. Ég hugsaði bara AÐEINS Í AMERÍKU. Svo var ég sett á no fly list í dag því peningasendingin mín er ekki komin þannig að ég á ekki nóga inneign til að fljúga En ég flýg þá bara þeim mun meira á morgun. Það er svosem ágætt að fá smá frí því ég hef flogið núna í 10 daga sleitulaust þannig að ég ætla bara að slappa vel af og njóta frídagsins Kveðja Dana Björk

Hæhæ nú er veðrið loksins farið að batna hérna og þrumuveðrum hefur fækkað mikið þannig að flugið hefur gengið betur. Er búin að fljúga slatta í viðbót og í hverju flugi bilar eitthvað í vélunum í gær bilaði dme-ið og við þurftum að krossreferensa vor radiala á nav 1 og nav 2 allt flugið til að vita hvar við vorum en þetta reddaðist allt saman og við komust til Key West og til baka. Fyrir viku síðan var bakkað á bílinn minn þar sem honum var lagt í stæði fyrir utan húsnæði skólans. Það kom ágætis beygla á hurðina aftur í bílstjóramegin þannig að það var ekki hægt að opna hana. Þess vegna keyrði ég til bílaleigunnar í Orlando í gær og skilaði bílnum því tryggingarfélagið þurfti að skoða hann og eitthvað en í staðinn fékk ég nýjan bíl sem er bara fínt. Meðleigjandi minn er farinn aftur þannig að ég er búin að vera ein í íbúðinni núna í 2 vikur sem er líka fínt... Gott að hafa stofuna og eldhúsið út af fyrir sig Í dag er planið bara að fara út í sólbað og kíkja í walmart og kaupa inn og svo er það bara flug í kvöld. Svo hlakka ég til að kíkja í heimsókn til Rósar og Agú og skoða litla barnabarnið þeirra og öll dýrin Kveðja Dana Björk

Hæ hæ. Búin að fljúga aðeins meira núna. Flaug í gær með 2 öðrum flugvélum til Tallahasse, fórum 7 manna hópur og stoppuðum þar og fengum okkur að borða. Svo á leiðinni til baka var komið skítaveður yfir Ft. Pierce flugvellinum en við ákváðum að prufa að gera ILS aðflug og jú það tókst og við lentum um 5 leytið um morguninn. Er núna að fara í annað flug skrifa meira um það seinna. Dana

Hæ hæ ég er búin að fara í nokkur flug. Þar af eitt sem er frekar eftirminnilegt. Á mánudaginn ákváðum ég og annar tímasafnari að fljúga til Ft. Myers sem er rúmlega klukkustundarflug hvora leið. Í Ft. Myers gerðum við ILS aðflug en þegar við ætluðum að setja hjólin niður gerðist ekki neitt. Við reyndum svona 5 sinnum að setja þau niður en hættum við aðflugið og klifruðum upp í 5000 fet og töluðum við flugumferðarstjórann. Hann sendi allar aðrar flugvélar á aðrar bylgjur og var bara að hjálpa okkur. Svo gerðum við einhverjar beygjur til að reyna að losa hjólin og loksins tókst það og við flugum til Ft. Pierce og lentum. Það var sko góð tilfinning að hafa fast land undir fótum. Daginn eftir flugum við til Key West og til Orlando og í fyrradag flaug ég til Key West og Miami. Í gær var ég í fríi og skrapp í bíó til að gera eitthvað skemmtilegt. Svo í dag er ég að fara að fljúga veit ekki alveg hvert, það fer bara eftir veðrinu. Það er svo mikið af þrumuveðrum hérna að maður flýgur bara eftir því. Ég er samt alveg skíthrædd við þessi þrumuveður því maður er að fljúga í myrkri og sér ekki skýin í kring nema þegar eldingarnar lýsa þau upp. Ekki mjög gaman. Kveðja Dana

Ég fór í gærkvöldi að fljúga með öðrum tímasafnara. Við flugum til Daytona Beach og ég gerði ILS aðflug þar og lenti. Svo flugum við til Ft.Pierce aftur. Á leiðinni til baka lentum við í smá ókyrrð inni í skýjum og fengum vektora út úr þeim. En þetta gekk annars allt bara vel og við vorum 3 tíma í loftinu. Við ætluðum að fara aftur í loftið og fljúga meira en þá var allt fuelið búið í bílnum sem fyllir á vélarnar þannig að við gátum ekki tekið meira fuel. Þá fór ég bara heim að sofa og vaknaði klukkan 6 og var mætt upp í skóla upp úr 7. Við áttum vél bókaða kl. 8 en ennþá var sama vandamálið með fuelið þannig að núna er ég komin heim aftur og ætla að leggja mig og kíkja svo aftur upp í skóla á eftir og sjá hvort einhver sé kominn sem getur leyst úr þessu vandamáli. Kveðja Dana

Jæja auðvitað tókst mér að ná mér í einhverja pest hérna og fara í bakinu á sama tíma þannig að ég hef bara getað farið í 2 flug á 2 vikum sem er ekkert sérstaklega sniðugt. En nú er ég byrjuð og fer í kvöld með öðrum tímasafnara að fljúga. Fór í gær með kennara í næturflug og ég sver það það er svo mikil traffík hérna í loftinu að það er ótrúlegt. En þetta var alveg ótrúlega gaman og spennandi. Við flugum upp til Titusville sem er flugvöllur svona 60 mílur héðan frá og gerðum VOR aðflug þar og svo snerum við til baka og gerðum ILS aðflug í Vero Beach og fórum svo og gerðum 2 ILS aðflug þar af eitt á einum hreyfli og lentum svo í Ft. Pierce. Þetta gekk allt ljómandi vel og ég held að kennarinn hafi bara verið nokkuð ánægður með þetta allt saman. En vá hvað maður er orðinn ryðgaður í enskunni í radíóinu hérna, það tala allir svo hratt og maður er notla svo vanur að tala mest íslensku heima í fluginu. En þetta verður örugglega fljótt að rifjast upp. Núna er ég reyndar að skrifa á nýja tölvu sem Einar var að gefa mér. Hann er svo góður og gjafmildur þessi elska. Ég sagði honum að þetta yrði sko jóla og afmælisgjafir allavega næstu 3 árin. Þetta er svona hvít og sæt tölva frá apple, macbook heitir hún og ég er ekkert smá ánægð með hana!!! Takk enn og aftur Einar ef þú lest þetta. Jæja ég ætla að skella mér út í sólbað við sundlaugina núna áður en ég fer upp í skóla að fljúga. Skrifa örugglega meira fljótlega. Kveðja Dana

Hæhæ ég er enn einu sinni komin aftur til Ft. Pierce Í þetta skiptið er ég komin til að fljúga eins og vitleysingur og safna tímum þannig að ég geti sótt um vinnu hjá flugfélögunum í haust. Ég er núna að fara í 5 tíma checkout með kennara bara svona til að koma mér í gírinn því mestöll tímasöfnun hérna fer fram á nóttunni á tveggja hreyfla Beachcraft Duchess vélum. Skólinn er kominn með nýtt húsnæði fyrir nemana þannig að nú bý ég í Vero Beach sem er næsti bær við Ft. Pierce. Íbúðin er bara mjög fín og ég er búin að koma mér vel fyrir. Hérna er fín sundlaug og líkamsrækt sem ég hef bara verið nokkuð dugleg að kíkja í síðan ég kom Ég er með bílaleigubíl sem er alveg nauðsynlegt hérna því það eru engar almenningssamgöngur til að komast á milli. Ég verð í 2 mánuði og þegar ég kem heim verð ég væntanlega komin með 500 tímana sem þarf til að fá vinnu Ég set bráðum inn myndir af nýju íbúðinni og umhverfinu.

Kveðja Dana Björk

Jaeja tha er eg komin aftur til Ft. Pierce. Thad er bara buid ad vera mjog gaman Thad var haldin svaka grillveisla i Pan Am husunum thar sem vid buum til ad fagna endurkomu okkar kvoldid eftir ad vid komum. Thad var svaka fjor og agaetis maeting Svo i hadeginu a sunnudeginum helt Thomas kennari sma briefingu fyrir mig fyrir profid sem eg er ad fara i. Thetta virdist nu ekkert svo mikid mal eda thad vona eg allavega. Svo eyddi eg bara gaerkvoldinu i ad laera fyrir profid thvi ad eg atti ad fara i profid nuna i morgun en audvitad kom eitthvad uppa hja profdomaranum thannig ad thad frestadist thangad til a morgun en vid Rakel akvadum bara ad gera gott ur thvi og skella okkur i sma flugtur.

Kiktum til Okeechobee og tokum sma hring bara. Rifjudum upp gomul kynni vid flatlendid a Florida sem er svona svolitil vidbrigdi fra Islandi   Kvedja Dana

Thad er rosa gaman hér úti, ég er búinn med simann og alla flugtímana og fer í prófid líklega á mánudaginn

Thetta er búid ad vera pínu strembid sídustu daga ad klára, tví í byrjun vorum vid vanalega bara 1-1,5 tíma í simmanum í einu og svo fattadi skólinn ad vid erum 4 sem erum ad fara heim á sama tíma og oll ad fljúga somu vélinni. T.d í gaer thá thurftum vid ad vakna kl 06 til ad vera maett upp á flugvoll kl 8 og vid lentum svo kl 15 um daginn og fórum beint í simmann og vorum í honum til 20. Thannig vid klárudum allt í gaer og fengum thví 2ja daga frí sem er ekkert smá naes.

Í dag fórum ég og Carsten til Granada og kíktum á Alhambra. Thad var mjog gaman.
Og á morgun forum vid orugglega oll a strondina ad slappa af.
Halfid og Karsten sem búa med okkur, klárudu allt í dag og taka prófid líklega á thridjudaginn.
Og thad verdur líklega farid út ad fagna thegar thetta er allt saman búid

Thví midur er netid okkar ekki komid í lag og kemst ekkert í lag ádur en ég kem heim! Thannig ég á ekki eftir ad setja inn neinar myndir

En jaeja bless í bili